分享⌒o⌒

     由细到大，我都系个无自信既人，甘大个女我唯一曾经有过充满自信既时刻就系当自己企系球场上面果阵`````` 篮球，由我加入小学果支球队开始，我就当左距系我既挚爱；羽毛球，当我开始练习距，就以为距可以为自己添多一份自信，但最近发现，距带俾我的，更多既系一份失落的感觉...... 

     高中果阵因为对学校的篮球队好失望，所以决定暂时转行打下羽毛球，系“水上无鱼”的情况下，我呢只小虾毛竟然罗到D唔错既成绩，于是就俾眼前既呢少少成绩迷惑左，以为自己系羽毛球呢方面都可以几有作为，自信自然就系添左D啦。到高考既时候，糊里糊涂地因为羽毛球令我入左华师，果时真系好感激呢只周身毛既波仔同埋钟老师。从此之后我对所有同羽毛球有关既也都好热爱、好关心...... 直至我系大学既校羽毛球队里面接受训练开始，我既感受发生左好大变化。当我第一次见识到新队友打波果阵，深深甘觉得自己原来只系系屋企个鱼缸里面既一条小金鱼甘，而人地就系游系江中既一条鱼，至起码系池塘里面既鱼（当然就未大大海甘犀利既），开始觉得有压力，但果阵我系有想将呢种压力变为动力既冲动，想努力赶上队友既水平。到教练出现左之后（教练之前因为身体问题一直无出现过），一种自卑感暗暗萌生兼且逐渐发芽。自卑，唔系因为教练闹我，而系因为距无闹过我``````每次安排训练任务之后，教练就会系过程中指点，见你做得唔好甚至会好恶甘闹你，但距闹得你，都系因为距重视你。“庆幸”地，练左甘耐教练一直无闹过我，指点系有，但对比起其他队友来讲，夸张D讲可以话只系距地既零头。我有尝试过好努力甘练，每样安排都尽量做到最好，希望可以吸引到教练既注意，但一切都似乎很无谓。每次训练都准时到，呢样系全队都无人可以做到的，但他亦似乎不放在眼里。果种被冷落、不受重视既感觉真系好难受。教练每次的赞赏我都会好开心，当系宝甘放在心里，亦曾经尝试用呢D赞赏的满足感去掩盖那些心头的失落与自卑，但太多了，实在掩盖不了~~~可能因为自己以前系运动队里面都系比较得宠既一个，所以系呢里面系初尝被冷落的感觉，的确好难受，难受到我好想放弃，但同时体育又教识左我“永不放弃”呢样也，真系好矛盾......

     或者朋友们会唔明白，但运动员既世界就系甘（就算我只系一个唔咸唔淡既运动员）。做运动员既，目标只有一个——就系罗奖，去登上最高领奖台，因为只有甘先可以证明自己既努力同能力！自知技不如人，我尝试努力赶上，但同时环境既压力实在太大，而一直支持住我留低训练既目标就系“省大运”，却又因脚伤就甘失去，一世人一次既机会就甘无左（因为省大运系四年一次），心里面充满惋惜同不甘。尝试去忘记同逃避，但与此有关既也确不时有意无意地系我面前撩动、挑起呢方面既记忆，真系好难受``````

     曾经对距充满住感激与热爱既羽毛球，突然变得好陌生同恐惧。想退出羽毛球去继续追寻自己的篮球梦想，却又似乎身不由己，好苦恼......