今日四点几就起左身,同阿贝去海边睇日出,呵呵,好似系我甘大个女第一次有目的地未左做一样也而甘早起身.

      虽然曾经讲过好多次话要起身睇日出、睇流星之类，但系次次都因为唔愿起身而做唔到。今日我终于做到了，四点三就起左身，阿贝开车来接我（呵呵，突然间觉得有车牌同时又有车扎真系好幸福既一件事，因为可以随心所欲地开住架车去做自己想做既也）。来到海边，稳左个阿贝觉得好正既位坐低，跟住就开始欣赏个时个刻的景色。天气好好，云亦好少，对眼正常既人就可以见到满天星星加上弯弯既月亮。因为时间尚早，所以路上无论车同人都系好少，系果个时候坐系海边望住天空既景色，感觉真系好舒服。个天变得好快，眨下眼就唔同晒，我地睇住个大海由黑蒙蒙、只有几盏渔灯点缀，慢慢甘俾个月光照到光晒，情侣路上的街灯亦系你不知不觉间熄左一半；再过一阵，系我视觉的海的尽头，露出左白白的太阳的光芒（个阵时真系白的，唔系红亦唔系黄，但真系好光）月亮、星星加上太阳光构成既果幅景象真系好正，不过以我既水平就无办法好好甘描述到俾大家知了，净系想话俾大家知，可以的话一定要去睇下，亲身感受过至会知道有几甘正。太阳公公继续向上爬，好快光明就驱走左黑暗，月亮同星星都唔见左，就见到成只鸭蛋黄走左出来，我同阿贝就准备去饮茶了，个阵都未够6点``````

     终于实现到自己睇日出既呢个愿望~~经过今朝我明白到，有好多也自己想做既就要争取去做到！就好似睇日出呢样甘简单既也甘，就算你之前听人讲过话日出有几甘好睇，如果你自己无亲自去睇一次，你系唔会真正知道日出真系几甘靓架！而家既社会上，个个都净系顾住赚钱同物质上既享受，D人唔会觉得用十几个钟来打麻雀系浪费，但就会觉得早果少少起身去睇日出系好无谓、好浪费时间既事，好多人会话“训多两个钟好过啦```”之类既说话，但距地又知唔知其实有D也系可能用一辈子的时间都无法享受到既呢？因为距地无主动地为自己争取过``````

     难忘的一个早上``````呵呵~~